Sunday, July 1, 2007

نحب .... نحب نعبّر بحرّية





نحب كيف نبدى نحكي في السياسة نحكي بصوت عالي ومن غير ما نقعد نتلفت فماش شكون يسمعني
نحب كي نشري جريدة منلقاش ربعها برقيات امتنان والربع الثاني مقالات بودورو والباقي اعلانات
نحب كي تصير حاجة في البلاد نحل تلفزتنا الوطنيّة ونسمع الخبر منها مش نمشي للجزيرة او البي بي سي
نحب نحس روحي اني مواطن كيفي كيف أي مواطن آخر يسري علينا نفس القانون ولينا نفس الحقوق
نحب نحب تونس الي في فترة من الفترات قريب تصير ما تعنيلي شي والي هي توا متعني شي لبرشا ناس
نحب تونس الي ساعات نسبها وننقم عليها ونكرها ولكن لما نسمع اي كلمة تمسها نثور وندافع عليها بكل الي عندي
نحب نعيش في امان وسلام وبالي مرتاح
نحب كي ننشر الكلمات هاذي متتحجبش مدونتي وميقلقني حتى حد
نحب .... نحب نعبّر بحرّية


______________
Photo by Brian-D